Contacts:

«Білім берудегі менеджмент: колледжді ақпараттандыру үдерісін басқару» білім беру бағдарламасының пәні білім беру ортасында ақпараттық технологияларды енгізу мен басқаруға қатысты бірқатар негізгі аспектілерді қамтиды. Бағдарлама техникалық және кәсіптік, орта білімнен кейінгі білім беру ұйымдары басшыларының ақпараттық технологиялар жөніндегі орынбасарларына және заманауи технологиялардың көмегімен білім беру ұйымын басқару мен оқу үдерісінің тиімділігін арттыруға ұмтылатын педагогтарға арналған.

«Білім берудегі менеджмент: колледжді ақпараттандыру үдерісін басқару» тақырыбы қазіргі білім беру контекстінде бірнеше себептерге байланысты өзекті болып табылады:

1) Қазіргі әлем білім беру ұйымдарынан дәстүрлі бағдарламалар бойынша оқытуды ғана емес, білім берудің сапасы мен қолжетімділігін арттыру үшін ақпараттық технологияларды белсенді түрде енгізуді талап етеді. Бұған оқушыларды басқару, оқыту және өзара әрекеттесу үшін цифрлық құралдарды пайдалану кіреді.

2) Білім беру үдерістерін ақпараттандыру тыңдаушылардың  білім беру ресурстарына қолжетімділігін кеңейтуге көмектеседі.

3) Ақпараттандыру электрондық оқыту, мобильді оқыту және виртуалды шындықты оқыту сияқты оқытудың инновациялық әдістерін пайдалануға мүмкіндік береді, бұл оқу процесін интерактивті және дербес етеді.

4) Ақпараттандыру колледжді басқару процестерін айтарлықтай жақсартуға, оқу үдерісін тиімдірек жоспарлауды, мониторингті және талдауды қамтамасыз етуге, сондай-ақ білім беру ұйымдары жұмысының ашықтығы мен жауапкершілігін арттыруға мүмкіндік береді.

Осы аспектілердің барлығын ескере отырып, «Білім берудегі менеджмент: колледжді ақпараттандыру үдерісін басқару» бағдарламасы уақыттың өсіп келе жатқан талаптарына жауап ретінде және осы процесті тиімді және жаңашылдықпен басқара алатын мамандардың біліктілігін арттыру қажеттілігіне жауап береді.



Sign up